මාලිගාවත්ත පිහිටි බස්නාහිර පළාත් සෞඛ්‍ය සේවා අධ්‍යක්ෂ කාර්යාලයට හා කොළඹ පෞද්ගලික බැංකුවක ප්‍රධාන කාර්යාලයකට ඩෙංගු මදුරුවන් බෝ කිරීමට විරුද්ධව නඩු පැවරූ බව ඩෙංගු මදුරු මර්දන ඒකකයේ විශේෂඥ වෛද්‍යවරයෙක් ඊයේ (18) රිවිරට පැවසීය.කොළඹ මහ නගර සභාව මගින් පවත්වන ඩෙංගු මර්දන වැඩසටහනකදී මෙම ස්ථාන ඊයේ (18) පරීක්ෂා කර තිබේ.

ඩෙංගු මදුරු කීටයන් බෝ කළ බවට තහවුරු වූ බැවින් ඊට විරුද්ධව කොළඹ නගර සභාවේ මහජන සෞඛ්‍ය පරීක්ෂක නිලධාරින් විසින් මෙසේ නඩු පැවරීමට තීරණය කර ඇත.එම ආයතන දෙකෙහිම ඩෙංගු මදුරු කීටයන් බෝවී ඇත්තේ ජල පෙරණ යන්ත්‍රයේ ජල රැඳවුම් ස්ථානයේ බව සඳහන්ය.
හර්ෂණී වීරරත්න

Source: www.rivira.lk